പണിക്കരുടെ ചികിത്സ!

ഗുപ്തന്‍ said...

That person's privacy?

എന്തര് ഗുപ്താ പറേണത്... കുടിയന് എന്ത് പ്രൈവസി?
മദ്യപാനം സാർവ്വലൌകീകമായ ഒരു ശീലമാണ്. ഭാരതത്തിൽ മദ്യപാനം പൌരാണിക കാലം മുതൽ ഉണ്ടായിരുന്നു. അപ്പോ പിന്നെ പൌരാണികമായ ഒരു ശീലത്തിന്റെ വക്താവായ ഒരു കുടിയന് എന്ത് പ്രൈവസി..

നിർമ്മദന്മാർ എന്ന വിഭാഗത്തിൽ‌പ്പെടുന്ന മിതമായ മദ്യപാനികളുടെ ഇടത് തോളിലെ ഉളുക്കൽ വീഡിയോ ആക്കി എന്റെ സ്വന്തം ബ്ലോഗിലിടുന്നത് എന്ത് എത്തിക്സിനു നിരക്കാത്തതാടേയ്....?

അന്നരസം വിദഗ്ദ്ധം എന്ന് വെച്ച് ഇവനൊക്കെ വിധിപ്രകാരം ഞാൻ മദ്യം തന്നെ വാങ്ങി കൊടുക്കണോ?

സാധുക്കള്‍ക്കു സൗജന്യ ചികില്‍സ അതിനിടയ്ക്ക്‌ ഇദ്ദേഹത്തിന്റെ ഇടതു തോളില്‍ ഉളുക്കി കയ്‌ കൊണ്ടൊന്നും ചെയ്യാന്‍ സാധിക്കില്ല.

ഹാ ഗുപ്താ, എന്ന് വെച്ച് ഇവന്റെയൊക്കെ ഉളുക്ക് മാറ്റാൻ ഞാൻ മെനക്കെടണോ? അതേക്കാൾ എത്രേ എളുപ്പമാടേ.....അവന്റെ അഭ്യാസങ്ങളുടെ വീഡിയോ മൊബൈലിൽ എടുത്ത് എന്റെ സ്വന്തം ബ്ലോഗിൽ പോസ്റ്റുന്നത്? ആരേടെ ചോദിക്കാനുണ്ട് ഗുപ്താ..?

മാതളപ്പഴം, മുന്തിരിപ്പഴം, ഈന്തപ്പഴം, നാരങ്ങാ എന്നിവയുടെ ചാറെടുത്ത് തണുപ്പിച്ച് പഞ്ചസാരയും മലർപ്പൊടിയും ചേർത്ത് കുടിപ്പിച്ച് ഇവനെയൊക്കെ ചികിത്സിപ്പിക്കാൻ ഞാനാര്?

കാലത്തു കുടിച്ചത്‌ അല്‍പം കൂടിപ്പോയതാ സാരമില്ല....ഇവനെയൊക്കെ ചികിത്സിക്കലാണോ എന്റെ പണീ..?

എന്റെ ഗുപ്താ എവിടെ നിന്നോ കള്ളടിച്ചു പൂസായി എത്തിയ അയാള്‍ ആരാണെന്ന് ഞങ്ങള്‍ക്കല്ല സാക്ഷാല്‍ ദൈവം തമ്പുരാനു പോലും ഇപ്പോഴറിയില്ല.
പിന്നാ ഈ പടം കണ്ട്‌ ഇനി വേറെ ആരെങ്കിലും അറിയുന്നത്‌....അതോണ്ട് നീ ചുമ്മാ ഇരി എന്റെ ഗുപ്താ , അവന്റെ ഒരു പ്രൈവസി...

ഇത്രയും പണിക്കർ ഉവാച....

കാലമാടന്റെ പ്രശ്നം അതല്ല.....പണിക്കരുടെ വീഡിയോയിൽ കണ്ടത് എന്നെയാണ്....

സുഹൃത്തുക്കളെ....ഞാനിത്തിരി ഫിറ്റായി പോയി....കെട്ടിറങ്ങാൻ മറ്റ് വഴിയില്ലാണ്ട് വളരെ പ്രയാസപ്പെട്ട് വാളും പരിചയും അടക്കമാ ഞാൻ നിവൃത്തിയില്ലാതെ പണിക്കർ എന്ന ഡോക്റ്ററെ കാണാൻ പോയത്....ചികിത്സതേടിയാണ് ഞാൻ ഡോക്റ്ററുടെ അടുത്ത് എത്തിയത്....അവിടെ നടന്നത്...!!!!

പിറ്റെ ദിവസം എന്റെ മകൾ പറഞ്ഞാ അറിയുന്നത്...

ഞാനൊരു കുടിയനാണെങ്കിലും മകൾക്ക് നല്ല വിദ്യാഭ്യാസം കൊടുക്കുന്നുണ്ടേ.....അവൾ കമ്പൂട്ടറിൽ വല്യ പഠിത്തമുള്ള ആളാ(ആരെടേയാ മോൾ, എന്റേതല്ലയോ) അവളാ പറഞ്ഞത് ദേ അച്ഛാ അച്ചന്റെ വീഡിയോ ബ്ലോഗിൽ ......

എന്റെ ഡോക്റ്ററേ....ഇയാളൊരു പുലി തന്നെ , ഞാനൊരു കുടിയനായതോണ്ടാണോ ഡോക്റ്ററെ എന്റെ വീഡിയോ പിടിച്ച് ബ്ലോഗിലിട്ട് ഞെളിയുന്നത്?

ഞാനൊരു രോഗിയായാണ് അങ്ങയുടെ അടുക്കൽ ചികിത്സതേടി എത്തിയത്....കഷ്ടം...എന്റെ അബോധാവസ്ഥയിലെ ചിത്രീകരണം നടത്തി ബ്ലോഗിലിട്ട് എത്തിക്സിനു ന്യായീകരണം പറയുന്ന ഇങ്ങോർക്ക് നെല്ലിക്കാ തളം ഞാൻ വാഗ്ദാനം ചെയ്യുന്നു....വന്ന് ആവോളം കുടിക്കാം.....ഞാനാരോടും പറയുകയും ഇല്ല വീഡിയോ പിടിച്ച് ബ്ലോഗിലിടുകയും ഇല്ല..പ്ഫ..ഫ....ഫാ....ഫാ‍ാ‍ാ....പണിക്കരേ...............

ഇഞ്ചിക്കും ജട്ടിയോ ?

ബൂലോകം ജട്ടിയിൽ പിടിച്ചുള്ള കളി നിർത്തുന്ന ലക്ഷണമില്ലാ എന്ന് തോന്നുന്നു. ശോ എന്റെ ഒരു കാര്യം ഒടുക്കത്തെ സംശയങ്ങളാ എപ്പോഴും....

ആരോ ആർക്കോ ചീഞ്ഞ പിങ്ക് ചഡ്ഢി സമ്മാനമായി കൊടുക്കാൻ തീരുമാനിച്ചത്രെ....

ഇനീപോ അത് ജട്ടിയോ ചഡ്ഢിയോ ഷഡ്ഢിയോ ഷെഢിയോ ഒരു പിടിയുമില്ല...എന്തായാലും ഒരു കാര്യത്തിൽ സംശയം ആർക്കും ഇല്ല..ലതിന്റെ കളർ പിങ്കാണ്..ഹിയാ.....

കാലമാടന്റെ സംശയം അതല്ല..

ഒരു സ്ത്രീ വിരോധിക്കാണത്രെ പിങ്ക് ചഡ്ഢി സമ്മാനമായി പ്രഖ്യാപിച്ചിരിക്കുന്നത്...അതും ചീഞ്ഞത്!

ചഡ്ഢീടെ സ്ഥാനത്ത് പാന്റീസല്ലെ കൊടുക്കേണ്ടത്, പ്രത്യേകിച്ചും സ്ത്രീ വിരോധിക്ക്?

ജഡ്ഡിക്കും പാന്റീസിനും തമ്മിൽ എന്തേലും വ്യത്യാസമുണ്ടോ?

ആ എനിക്കറിയില്ലേ....ഞാനുപയോഗിക്കുന്നത് (ചുരുക്കം ചില അവസരങ്ങളിൽ മാത്രം) കോവണമാണ്

അതുകൊണ്ട് തന്നെ ജഡ്ഡി പാന്റീസ് തുടങ്ങിയ സാധനങ്ങളെകുറിച്ച് ഒരു പിടിയും ഇല്ല

അറിവുള്ളവർ പറഞ്ഞു തരണം..പ്ലീസ്....

യഥാർത്ഥത്തിൽ സമ്മാനമായി കൊടുക്കാൻ ഉദ്ദേശിച്ചത് പാന്റിസ് ആണോ?

പറഞ്ഞ് വന്നപ്പോൾ അത് ചഡ്ഢിയായതാണോ?

വാമനദിനാശംസകൾ....

ബൂലോകത്തെ എല്ലാ പ്രജകൾക്കും

വാമനദിനാശംസകൾ......

കോവണം അഴിച്ച് വിറ്റിട്ടായാലും എന്റെ ദിനം നിങ്ങൾ ആഘോഷിക്കണം......

ആഘോഷങ്ങൾ പൊടിപൊടിക്കട്ടെ......

ആദിയിലും അന്തത്തിലും ഞാനുണ്ട്....

മാവേലി എനിക്കൊരു പ്രശ്നമില്ല....

എവനെയൊക്കെ എങ്ങനെ ഒതുക്കാമെന്ന് എനിക്ക് നല്ലോണം അറിയാം....

പ്രിയപ്പെട്ടവരെ എന്റെ ഒരു പൊത്തോം ഈ ഓണക്കാലത്ത് പ്രീപബ്ലിക്കേഷനിൽ ചുമ്മാ കൊടുക്കുന്നുണ്ട്...

വാങ്ങി വായിപ്പിൻ.....എന്റെ കിണ്ണാന്തരങ്ങൾ.....

വായിച്ച് ആർമ്മാദിക്കിൻ.....

ചോദിച്ച് വാങ്ങിപ്പീൻ..പൊത്തോത്തിന്റെ പേര് ഭഗം വിത് ഗീത....എന്തോന്ന് അദന്നെ ഭഗവത്ഗീത....

അതിലുള്ളത് മുഴുവൻ ഞാൻ പറഞ്ഞതാ....ഞാൻ പറയാത്തതായി അതിൽ ഒന്നും ഇല്ല....

കള്ളത്തിലും ചതിയിലും വീഴല്ല്..അനുകരണങ്ങളിൽ വ്രീളാഹൃദയരാകരുതേ...

അപ്പോ എല്ലാവർക്കും എന്റെ സ്വന്തം ദിനാശംസകൾ.....



കണ്ടാ..കണ്ടാ...എന്റെ പടം തന്നത് ഗൂഗിളാ...

വെറുതെ ഒരു ഭാര്യ

സ്ത്രീയെ.....നിന്റെ നാളുകൾ എണ്ണപ്പെട്ടു!!

പുരുഷന്മാരെ സടകുടഞ്ഞ് എണീൽ‌പ്പിച്ച് ഭാര്യയെ എങ്ങനെ വരുതിയിൽ നിർത്താമെന്ന് സമർത്ഥിക്കുന്ന ലേഖനം ഇവിടെ വായിക്കാം....!!

കുടുംബത്തിന്റെ കെട്ടുറപ്പിനും ഭദ്രതയ്ക്കും ഭാര്യ എന്ന സ്ത്രീ അനുഷ്ടിക്കേണ്ട നയപരമായ കാര്യങ്ങൾ ഭംഗിയായി വിവരിച്ചിരിക്കുന്നു ലേഖനത്തിൽ.

ധൂമപാനം, സോമപാനം, പെണ്ണുപിടി തുടങ്ങിയ അസുഖങ്ങൾ ബാധിച്ച ഭർത്താവുള്ള സ്ത്രീകൾ പാലിക്കേണ്ട സാമാന്യ മര്യാദകളും ശുശ്രൂഷാ രീതികളും എടുത്ത് പറയേണ്ടത് തന്നെ!!

ഭർത്താവിന്റെ ലൈംഗിക ആവശ്യങ്ങൾ പൂർണ്ണമായും ഭാര്യ നിറവേറ്റി കൊടുക്കണം, ഇല്ലേൽ പുള്ളി കാമകലയിൽ വൈദഗ്ദ്യമുള്ള സെറ്റപ്പുകൾ തേടി മതിലുചാടാനുള്ള സാധ്യത വർദ്ധിക്കും!!

ഭാര്യയുടെ ചൂരും സുഖവും തൃപ്തി നൽകാതെ വരുമ്പോഴാണത്രെ പുരുഷ കേസരികൾ കന്നാമൂട് കുഞ്ഞിയേയും ആതിരപ്പള്ളി വത്സലയേയും കാപ്പിക്കാട്ട് മേരി തുടങ്ങിയ സകലകലാ വല്ലഭകളെയും തിരക്കി രാത്രീഞ്ചരന്മാരാവുന്നത്!!

ലേഖകന്റെ കണ്ടെത്തൽ ശരിയാണെന്ന് തോന്നുന്നു, ലോകസുന്ദരിയുടെ ഭർത്താവിന്റെ നോട്ടം പലപ്പോഴും കുനിഞ്ഞ് മുറ്റമടിക്കുന്ന വേലക്കാരിയിൽ പതിയാൻ കാരണം ഇതൊക്കെ തന്നെയായിരിക്കാം...:):):)

ഭാര്യയെന്ന സ്ത്രീയുടെ പെരുമാറ്റങ്ങൾ എങ്ങനെയായിരിക്കണം എന്ന് അക്കമിട്ട് പറയുന്ന പ്രസ്തുത ലേഖനത്തിൽ ഭർത്താവിന്റെ ഭാര്യയോടുള്ള സമീപനം എങ്ങനെ ആയിരിക്കണം എന്ന് വ്യക്തമായി പറഞ്ഞു കാണുന്നില്ല.

കടമകൾ ഭാര്യക്ക് മാത്രം, ചെയ്യേണ്ടതും പ്രവർത്തിക്കേണ്ടതും അവൾ മാത്രം എന്ന തരത്തിൽ ഏകപക്ഷീയമായ കാഴ്ച്ചപ്പാടുകൾ ലേഖനത്തിൽ ഉടനീളമുണ്ട്.


അനുബന്ധം: ലേഖനം വായിച്ച് വട്ടായ ഒരു ഭർത്താവിനു ഡോക്ടർ വിധിച്ച മരുന്ന് - ‘വെറുതെ ഒരു ഭാര്യ‘ ദിവസം മൂന്ന് നേരം വച്ച് ഒരാഴ്ച്ച കാണുക!!!!